काठमाडौं– नेपाली कांग्रेसले सातवटै प्रदेश सरकारमा नेकपा एमालेसँगको सत्ता सहकार्य अन्त्य गर्ने निर्णय गरेको छ ।
प्रदेश सरकारमा एमालेको व्यवहारप्रति असन्तुष्टि जनाउँदै कांग्रेसले आफ्ना मन्त्रीहरूलाई सरकारबाट फिर्ता बोलाउने तयारी गरेको हो ।
कर्णालीमा कांग्रेसका मन्त्रीहरूले राजीनामा दिइसकेका छन् भने सुदूरपश्चिममा कांग्रेस नेतृत्वको सरकारले एमालेका मन्त्रीहरूलाई बर्खास्त गरेको छ ।
कांग्रेस नेतृत्वका अनुसार अन्य प्रदेशमा पनि एमालेसँगको गठबन्धन तोडेर आवश्यक परे प्रतिपक्षमा बस्ने रणनीति अघि बढाइएको छ ।
